Турдакун Ниязалиев, Акай

Жаңылба

Жашоого жаралдың, эми токтобостон чурка алга карай
Дагы даяр болгон кыйынчылыктар көп, алдыда бир далай
Максатыңа карай койгон ар бир кадам, ийгилик жаратат
Эр жигитти дайым, бийиктикте турган чоң жеңиш самамат
[Кайырма]
Жаңылба!
Жаңылсаң кайра ошол катага кайталап кайрадан чалынба, чалынба!
Чалынсаң кайра тур, элиң бар жаныңда, колдогон элиң бар жаныңда!
Жаныңда !!!
[Реп]
Эрдик керек жеңсең
Кайрат керек жеңилсең
Ар жигитти кайрап турат
Башка сыноо келсе
Азаматты сүрөйт тура
Кыйынчылык кездер
Сен күчтүүсүң чыдап койгун
Өтөт кыйын кездер
Тигиндей бол бирөө дейт
Момундай бол бирөө дейт
Кыялыңа жете албайсың
Миң адамда миң ой кеп
Муну мынтип койгун дейт
Аны антип койгун дейт
Кыялыңа жолтоо болот
Кыйын сынган сүйлөп кеп
Сен нуруңду чач да
Жакшы кадам ташта
Жылуу сөзүң жан эргитет
Жылмайгандан качпа
Жеңишиңе чамда
Жеңиш менен кайт да
Жеңиш баатыр иши тура
Жалтанбастан башта
Аа сенин күнүң бүгүн бүгүн
Карма тезден бактың бүгүн
Бул өмүрдүн шатын бүгүн
Кетирбестен карма бүгүн
[Кайырма]x2
Жаңылба!
Жаңылсаң кайра ошол катага кайталап кайрадан чалынба, чалынба!
Чалынсаң кайра тур, элиң бар жаныңда, колдогон элиң бар жаныңда!
Жаныңда !!!
[Аутро]
Тирүлүк жалгыз, тилектер сансыз.
Токтобой басып, адашпа (жалгыз)-2.
Топтогун күчүң, жылмайып күлгүн.
Өмүрдү сүйгүн, өзүңдү сүйгүн.