Seyyid Taleh

Ömrüm Hüseynsiz Olmasın

Bir Ağadır mənim ağam, əhli səmadır muştaqı
Fərşə qədəm qoyan kimi, ərşə gedibdir qundağı
Feyz verər dolandırar, aləmi xırda barmağı
Dərdlərə eyləyər dəva, ömrüm Hüseynsiz olmasın.

Aşiqi zarəm ey Xuda, ömrüm Hüseynsiz olmasın
Eşqim olubdur Kərbəla, ömrüm Hüseynsiz olmasın.

Olmasa şahdan etina, nökərə kim baha verər?!
Nökərəm ol şəhidə ki, eşqi dilə səfa verər,
Türbətinə fəda olum, hər mərizə şəfa verər
Baqi odur cahan fəna, ömrüm Hüseynsiz olmasın.

Aşiqi dəra çəksələr, canı deyər Hüseyn Hüseyn
Başını kəssələr axan, qanı deyər Hüseyn Hüseyn,
Eşqə desəm ki, mədrəkin hanı deyər, Hüseyn Hüseyn
Candır mənə o müqtəda, ömrüm Hüseynsiz olmasın.

Birgün olar ki, sirri eşq aləmə bərməla olar
Kəbəyi eşq o beyti həqq, yerləri cabəca olar
Yəni təmami aləmin, qibləsi Kərbəla olar
Kəbə özü edər nida, ömrüm Hüseynsiz olmasın.

Özgə qızıl yığar ama, bizlərə əşg tuşədi
Göz yaşı üzdə ağ qızıl, xəlqi siyah puşədi
Qurban olum o şaha ki, mərqədi altı guşədi
Adı gəlir deyir səba, ömrüm Hüseynsiz olmasın.

Ömr Hüseynsiz olsa gər, bəndə gunahkar olar
Rəxti sefidi geysə də, bəxti siyahkar olar
Eşqi düz olsa nökərin, hər işi şahkar olar
Şahım Hüseyndir mən gəda, ömrüm Hüseynsiz Olmasın