Alisher Fayz

Eslab tur

Muhlislaring qator qator tizilsa,
Oyoqlaring yerdan jindak uzilsa,
Asablaring sal narsaga buzilsa,
Do'ppingni yerga qo'y, birdam hayol sur,
O'tgan kunlaringni bir bir eslab tur

Do'ppingni yerga qo'y, birdam hayol sur,
O'tgan kunlaringni bir bir eslab tur
Ko'kka qarab g'oz kerma qomadni,
Ranjitmagin ko'kdan kelgan omadni,
Kim berdi deya senga bu karomatni,
Manmanlikdan o'zni o'zing emlab yur,
O'tgan kunlaringni bir bir eslab tur

Manmanlikdan o'zni o'zing emlab yur,
O'tgan kunlaringni bir bir eslab tur
Yo'l boshida orzularni quvlading,
Baxt kalitin daromad deb o'ylading,
Zarni sevsang nega zargar bo'lmading?
Shohu gado bilan birdek suhbat qur,
O'tgan kunlaringni bir bir eslab tur

Shohu gado bilan birdek suhbat qur,
O'tgan kunlaringni bir bir eslab tur
O'tmishimning yig'indisi o'tgan kun,
Alamimni ichimga jim yutgan kun,
O'tgan kundir men bugunni kutgan kun,
Yurakginam ertaga ham shunday ur,
O'tgan kunlaringni bir bir eslab tur

Yurakginam ertaga ham shunday ur,
O'tgan kunlaringni bir bir eslab tur
Inson butun umr qolmas zulmatda,
Mard yigitga omad kelar albatta,
El oldida doim bo'lib ibratda,
Ey Alisher kamtar bo'lib davron sur,
O'tgan kunlaringni doim eslab tur

Yurtning to'yu bayramida javlon ur,
O'tgan kunlaringni doim eslab tur